Isiltasun susmagarria

Bi aste igaro dira gertatu zela. Espainiako telebista autonomikoan ikusi genuen. Berrogei bat astapotrok, ondo antolatuta, makilakadaka ekin zioten Gasteizera beren futbol taldearen partida bat ikustera etorritako katalan batzuen kontra. Katalanak, Bartzelonaren jarraitzaileak, lasai ederrean zeuden, taberna baten kanpoaldean zerbait hartu nahian, baina nekez asmatuko zuten zer makila-salda zerbitzatu behar zieten. Han agertu ziren berrogei horiek, bero-bero, besteak berotzeko pronto, eta, ez bat eta ez bi, makilak dantzatzen hasi ziren.

Ez dakigu nola bukatu zen katalanen ehizaldia, baina badakigu Espainiako polizia autonomikoak erasotzaileetako bat atxilotu zuela, eta agindu zuen ikertuko zuela auzia. Bi aste igaro dira, eta ikerketaren berririk ez dakigu. Irudiak hor egonda, ez du ematen ikerketak zailtasun handirik zuenik. Harrigarria dela esango genuke, hemen hauetan kontuak nola izaten diren jakingo ez bagenu. Espa txarra ematen digu honek guztiak. Zer isildu nahi dute? Zer ez da komeni zabaltzea? Nondik etorri ziren egur-banatzaileak? Nor dira? Bartzelonaren jarraitzaileak izan beharrean Espanyol taldearenak izan balira, izango ote zen halako egurraldirik? Galdera gehiegi aukeran.

Print Friendly, PDF & Email
About admin 124 Articles
Gure Berriak Euskal Herriaren independentziaren aldeko komunikabide bat duzue: herri gisa autoestimua indartu eta sendotzen laguntzeko tresna izan nahi duen komunikabidea; egunerokoan jasaten dugun “kutsadura ideologikoaren” aurkako sendagaia. Menpekotasunean dirauen herri baten seme-alabak gara, eta egoera horrek ezinbestean eragina du bizitzako arlo guztietan. Munduko beste edozein herriren antzera, eguneroko berriak ikuspegi propio batetik lantzea ezinbestekotzat daukagu. Guztiok politikarekin ezinbestean dugun lotura kontuan hartuz eta askatasun egarriak bultzatuta, webgunean topatuko duzuen material oro independentziarantz zuzendutako begiradapean jorratzea dugu helburu. .