Otsailaren 22 eta 23rako antolatu den ekitaldi baten berri ematera gatoz gaurkoan. HERRIEXISTENTZIA izena hartu dute antolatzaileek, eta hau da euren aurkezpen gutuna:
“Adi, lagunok:
Idatzi honen bitartez HERRIEXISTENTZIA ekimena aurkeztu nahi dizuegu. Euskal Herriko hainbat eskualdetako kideek osatzen dugu, gure herriaren egoera mingarriari irtenbidea bilatzeko nahiak antolatzera bultzatuak.
Ohikoak dira, denboran luzatzen den edozein zapalkuntzan, subjektu jazarriak pairatzen dituen noraeza eta gutxitasun konplexua, zeinak askotan autogorroto ere bihur daitezkeen. Sintoma horiek gurean, euskaldunon artean, gure eguneroko ekintzetan gero eta nabarmenagoak dira. Espainia eta Frantziako estatuak, gure gaitzez jabeturik, beren izaera inperialistatik aldendu ordez, isil-isilean desagertzera garamatzan egitura zapaltzailea garatzen doaz. Egoera hilgarri honi buelta emanen dion gure belaunaldi berriari tresnak helaraztea dugu helburu. Inposatu dizkiguten mugak oro gaindituz, euskal nazioaren saretze eta formakuntzan lagundu nahi dugu berandu izan baino lehen, aurrera eraman beharreko askatze prozesurako pausoak emanez.
Herri honen odol isuria eteteko eta egoera iraultzeko xedez, zenbait egitarau antolatuko ditugu. Bai parte hartzeko, bai iradokizunak helarazteko, hemen duzue gure helbide elektronikoa: herriexistentzia@gmail.com. Edozein laguntza ongi etorria izanen da. Gu abiatuak gara. Bazatoz?”
Asisko Urmenetarekin izan gara, haren liburu berriena dela eta. Eta hau esan digu ekitaldiaren inguruan:
